Jólin

Jólin voru allt öðruvísi en ég er vön.
Á aðfangadag var bara slakað á heima og allir voru að þrífa og svoleiðis því við áttum von á fjölskyldunni á jóladag. Um kvöldið fórum við til Auntie Lesley í mat. Þar voru allir í fjölskyldunni og svo nokkrir úr fjölskyldu Uncle Steve. Ég, mom og Leah fórum svo í miðnæturmessu með Uncle Steve og Auntie Lesley því að dóttir þeirra var að spila á bjöllur í messunni. Þetta var ekkert smá flott og messan líka allt öðruvísi en það sem ég hef séð. Kirkjan var líka ótrúlega flott, risa stór, hringlótt og var með svona sér grát herbergi fyrir fólk sem voru með krakka.
Á jóladag vöknuðum við á milli 9:30 og 10, þegar allir voru vaknaðir þá var opnað pakkana. Fyrst frá jólasveininum og svo fengum við pakkana frá mom og dad. Um 11 leytið komu grandma og poppa með pakka til okkar. Það var ekkert smáræðis pakkaflóð þessa tvo tíma sem það tók að opna þá alla. Um 2 leytið kom svo restin af fjölskyldunni og við borðuðum mat og svo var bara slakað á. Seinna um daginn opnuðum við restina af pökkunum frá öllum öðrum. Svo var borðað aftur og síðan var bara spilað og skemmt sér. Jólamaturinn var mjög svipaður og það sem við borðuðum á thanksgiving, það var kalkúnn og skinka, grænmeti og alskonar meðlæti. Ekkert jafnast þó á við hamborgarahrygg og svo hangikjöt.
Á annan í jólum komu svo allir aftur til okkar um 5 leytið í afganga. Svo var bara gert svipað á jóladag, slakað að á og spiluðum spil.
Jólin hjá mér voru því miður rauð en það kom reyndar örlítið af snjó á jóladag en hann var farinn 5 mínútum seinna.
Ég mun svo skrifa á næsta ári ;)

Vonandi áttu þið góð jól og skemmtið ykkur vel við að sprengja á gamlárs :)

Dover-Sherborn, Thanksgiving & New York

Jæja aðeins of langt síðan það var blogg, leikurinn á móti EWG endaði ekki vel. Við töpuðum 3-0 og með því tapi endaði blak tímabilið.
Fimmtudaginn 17. nóvember fór ég til Dover í Massachusetts með flestum skiptinemunum sem eru í Rhode Island og svo nokkrum öðrum sem eru í Massachusetts. Ég var þar í 4 daga og fékk nýja fjölskyldu yfir helgina. Við fórum í Dover-Sherborn High School á föstudeginum og eltum nýju host-systkini okkar í tímanna þeirra. Ég eignaðist 2 ný "systkini". Michelle sem er 16 ára og Samuele sem er frá Ítalíu og er skiptinemi í Massachusetts. Lars, sem er frá Þýskalandi og er líka hérna í Rhode Island, gisti hjá sömu fjölskyldu og ég. Við gerðum ótrúlega mikið skemmtilegt þessa helgi. Meðal annars fórum við til Boston og svo voru nokkur partý sem við skelltum okkur í. Síðan á sunnudeginum tókum við lestina aftur heim til Rhode Island.
Helgina eftir var Thanksgiving, við fengum frí í skólanum 24. og 25. nóvember. 24. nóvember fórum ég, mom og Leah til grandma og poppa, Shannon og dad fóru til grandma Roberta. Við eyddum öllum deginum þarna og það eina sem við gerðum var að borða. Þetta fannst mér æðislegt enda elska ég að borða :D Það var ekkert smáræðis af mat svo daginn eftir fórum við aftur til grandma og poppa og við borðuðum afganginn. Restin af helginni var síðan frekar róleg.
10. desember fór ég til New York með ferðaklúbbi sem ég er í í skólanum. Við lögðum af stað klukkan 6 um morguninn og vorum komin þangað um 10. Við fórum á Times Square, Union Square, Rockefeller Center og Central Park. Þetta var æðislegur dagur og við munum svo kannski fara aftur um vorið.
Ég er búin að fá nokkra æðislega pakka frá Íslandi, þeir hafa allir haft yndislega hluti í þeim og ég þakka kærlega fyrir þá :)
Í dag komst ég svo loksins í jólafrí. Ég skil ekki alveg af hverju við vorum svona lengi en það skiptir svo sem ekki máli. Á morgun er svo aðfangadagur en á meðan þið öll fáið að opna pakka þá fæ ég bara að horfa á þá. Ég ætla svo að reyna að skrifa lítið blogg fyrir áramót eða fljótlega eftir áramót.

Systkini mín yfir helgina -ég, Michelle, Samuele & Lars

Í Boston

Allir krakkarnir sem fóru/voru í Dover-Sherborn

Ferðaklúbburinn

M&M búðin :D

Ég & Javier

Ég & Stef á Times Square

Jólakortamyndin :D

Gleðileg Jól :*

Spirit week, homecoming, halloween og playoffs.

"Spirit week" var í skólanum 17. okt til 21. okt. Hún er alltaf í vikunni þegar "homecoming" er.
Á mánudeginum var "sports day" þá klæddu lang flestir sig í eitthvað íþróttatengt, ég var að sjálfsögðu í Stjörnu fötunum mínum ;). Um kvöldið var "senior night" í blakinu og við kepptum á móti Johnston, unnum þær 3-0. Eftir leikinn var heiðrað allar sem eru "senior". Svo var tekin mynd af bæði "JV" og "varsity" liðinu.
Þriðjudagurinn var "decades day".
Á miðvikudeginum þá átti hver bekkur að klæða sig í ákveðin lit. Síðan var "pre-peprally" Allir voru boðaðir niður í íþróttasalinn og þetta var ekkert smáræðis fjöldi! Raðað var eftir bekkjum og þetta var ótrúlegt. Þúsund manns sem skiptist í fjóra liti, gulan, rauðan, grænan og bláan. Síðan voru klappstýrurnar þarna og lukkudýr skólans. Svo kom eitthver kona sem er víst yfirmaður allra skóla held ég, því að það var kennari í skólanum valinn fyrir eitthver mjög stór verðlaun. Eftir skóla átti blakliðið leik á móti Vets, við unnum þær.
Á fimmtudeginum var "hollywood/hero day", ég ákvað að sýna hvernig fræga fólkið á Íslandi klæddi sig :) Voða fáum fannst það eitthvað sérlega merkilegt ;)
Föstudagurinn var svo "Pilgrim Pride Friday" þá klæddu nánast allir skólanum sig í liti skólans sem eru svartur, hvítur og gull. Í síðasta tímanum var síðan alvöru "pep rally", allir sem voru í íþróttum um haustið fóru í íþróttasalinn á undan restinni af skólanum og biðu eftir því að allir komu, síðan var hvert lið kallað fram og gerðu eitthvað smá í miðjunni á salnum, það var mikið af fangaðarlætum og mikil stemming. Þetta var ótrúlega gaman. Um kvöldið var svo "homecoming" leikurinn, ég skellti mér á hann og það var mjög gaman en því miður þá tapaði Pilgrim.
Laugardaginn 22. okt var svo "homecoming" ballið. Það var í skólanum og var frá 7-10. Eitthvað annað en það sem ég er vön ;) þar sem ég er vön að mæta á böll klukkan 10, allir mættu á slaginu 7 eða  fyrir 7 og þetta var mikið öðruvísi en heima. Eftir ballið fórum við á Ihop og fengum okkur pönnukökur. Ég gisti síðan hjá Ariana með Tiffany og Stefani.
Sunnudagurinn fór í það að vera bara í rólegheitum heima en svo um kvöldið fór ég með Shannon og Leah í hrekkjarvökupartý á vegum AFS. Það var mjög gaman að hitta alla krakkan sem búa í Rhode Island og klæða sig upp :)

31. október var svo halloween. Í skólanum mínum þá mega "seniors" klæða sig upp og síðan fara þeir allir niðrí sal og það er búningakeppni. Ég var garðálfur með 9 öðrum vinum mínum og við unnum fyrir besta hópbúninginn. Það voru allskonar búningar og sumir voru ótrúlegir. Um kvöldið fór ég með Tiffany, Stefani og Robert að sníkja nammi. Það var ótrúlega gaman að labba um hverfin og dingla hjá fólki og fá nammi. Algjör upplifun! Ég fékk ágætan slatta af nammi og nei ég er ekki búin með það allt ;) haha

3. nóvember kepptum við "playoff" leik á móti Barrington. Margir héltu að þetta yrði síðasti leikurinn okkar en við sönnuðum annað og unnnum þær 3-1. Þessi leikur var ein taugaspenna því í hverri hrinu vorum við jöfn við hitt liðið. Fyrsta hrinan fór 23-25, önnur fór 25-22, þriðja fór 27-25 og síðasta fór 25-23. Þetta var stórkostlegur leikur og stundum náðum við að bjarga ótrúlegustu klúðrum á ótrúlegan hátt og fá stigið.
Næsti leikurinn okkar er svo á mánudaginn á móti EWG, ef við vinnum þann leik þá erum við komin í "semi-finals".

Pilgrim Pride Friday

Stefani, Tiffany, Ariana, Lauren & ég

Sara, ég, Stefani & Dan

Tiffany & ég

Stefani, Jake, Tiffany, Ariana, Matt, Lauren & ég

The Gnomies

AFS krakkarnir

Fyrir hrekkjarvökupartýið

Homecoming leikurinn

Nokkrar myndir :)

Fjölskyldan :) 12. ágúst

 Hérna eru nokkar myndir af því helsta sem ég er búin að vera að gera. Myndirnar eru ekki í réttri röð en það er dagsetning hjá þeim flestum :) Ég mun síðan vera duglegri að setja inn myndir :) Það kemur svo blogg um "spirit week" og "homecoming" bráðlega.

Systurnar 18. sept

eplatínsla 18. sept

"waterfire" 24. sept

flugið út :) 11. ágúst

komunámskeiðið :) 12. ágúst

rúmið mitt :)

*

elska þennan fataskáp :D

"holy cow" best í heimi! :D

state fair í Conneticut 4. sept

amerískur fótboltaleikur Hendricken vs. LaSalle, 16. sept

Maggie, Tiffany, ég, Sara & Gabbie á amerískum fótboltaleik hjá Pilgrim, 9. sept

Pilgrim liðið :)

nemendur vs kennarar, fótboltaleikur, 28. sept

ég & Stefani 28. sept

Hrekkjarvakan komin :)

Jæja frekar langt síðan ég skrifaði, það er búið að vera frekar mikið að gera í skólanum og blakinu. Við erum búin að vinna 7 leiki af 9, svo eigum við eftir að spila 5 leiki, eins og er þá erum við í öðru sæti.

22. september þá varð Tómas Emil minn 4 ára, það var haldið partý fyrir hann 17. september og auðvitað mætti ég í veisluna via skype :) Eftir þá veislu fór ég í afmælisveislu hér hjá Uncle Steve.

23. september fór ég til Kathy Good og hitti alla skiptinemana sem eru í Rhode Island. Við gistum öll saman hjá Kathy Good og vorum á svona stóru komunámskeiði. Daginn eftir fórum við öll saman til Providence og fórum á "Waterfire" sem er svo flott! Þeir kveikja um hundrað bál í á sem er í Providence og svo eru gondólar siglandi um. Ég gjörsamlega dýrkaði þetta.

28. september fór ég á fótboltaleik á milli nemenda og kennara, leikurinn var til safna pening handa fjölskyldu stelpnanna sem dóu í byrjun september. Leikurinn endaði 5-2 fyrir nemendum, eftir leikinn fór ég og gisti heima hjá Tiff í tjaldi með Maggie, Stef og Ariana, því það var ekki skóli daginn eftir útaf það var hátíðisdagur fyrir gyðinga. Daginn eftir komu nokkrar fleiri stelpur úr blakliðinu og við lituðum boli. Kom ótrúlega vel út.

Með 1. október fylgdi hrekkjavakan. Svo um kvöldið fór ég með Shannon, Ariana, Amanda og Jake í draugahús. Þemað þar var martraðir, þetta var eitt það ógeðslegasta sem ég hef gert. Er ekki mikið fyrir hryllings dæmi og trúða, þarna var nóg af því báðu! Daginn eftir var svo "carwash" hjá blakliðinu. Það var ótrúlega skemmtilegt. Vorum þarna yfir 20 stelpur með tónlistina í botni að þrífa bíla til styrktar liðsins.

7. október var "movie night". Það var sýnt Happy Feet og Hocus Pocus á stóru tjaldi á fótboltavellinum og við sátum á teppum í grasinu og drukkum heitt kakó undir stjörnunum, ótrúlega kósý. Nokkrir skiptinemar komu og það var mjög gaman að hitta þá aftur. Eftir þetta fór ég heim með Maggie og gisti hjá henni. Í dag fór ég svo með Maggie og Stef á amerískan fótboltaleik hjá Pilgrim liðinu, við unnum 30-20. Í kvöld er ég svo að fara á "scary acres" með krökkunum. Mun eflaust þykja það jafn skemmtilegt og draugahúsið ;)
Á morgun er svo vinkona mín frá Danmörku, Astrid að fara að koma og gista, hún er ein af skiptinemunum hér í Rhode Island. Á mánudaginn er hátíðisdagur svo það er ekki skóli. "Homecoming" er síðan 22. október og "homecoming" leikurinn er 21. október, það verður líka "peprally" og fleira í gangi þá viku.
Ég mun svo líklegast skrifa aftur eftir "homecoming" :)

Fyrsta vikan í skólanum

Þá er skólinn loksins byrjaður. Hann byrjað 6. sept á þriðjudegi. Mér líst mjög vel á skólann, stundatöfluna og bara allt. Skólinn byrjar klukkan 7:24 og er búin 13:51, svo er alltaf umsjón klukkan 10 til 10:24. Allar tímasetningar eru mjög skrítnar. Hérna er líka engin dagur eins. Tímunum er raðað á sjö mismunandi hátt, svo engin vika er eins. Það þýðir líka að ég mun þurfa fara í leikfimi mjög oft á hverjum degi en ótrúlegt en satt þá hlakkar mig smá til að fara í leikfimi því að hér fær maður að velja hvað maður gerir, ég valdi bogfimi og tennis. Kennararnir eru allir mjög góðir en ensku og sálfræði kennararnir eru með þeim fyndnustu. Allir eru búnir að vera mjög vinalegir og hjálplegir. Ég er ekki búin að villast í skólanum sem er mjög auðvelt að gera. Það er búið að vera mjög gaman í skólanum og mig hálf hlakkar til á hverjum degi að fara. Ég er búin að kynnast nokkrum utan blakliðsins og einnig er ég búin að kynnast fleirum í blakliðinu.
Blak æfingarnar eru hverjum degi eftir skóla en þær falla niður þegar við erum að keppa. Yfirleitt eru tveir leikir í viku, einn leikur heima og annar leikur í öðrum skóla. Þegar það eru heima leikir þá þurfum við að vera í keppnistreyjunni í skólanum og megum ekki vera í gallabuxum og strigaskóm, þegar það eru úti leikir þá þurfum við að klæða okkur upp fyrir skólann. Við erum búin að keppa einn heima leik á móti skóla sem heitir Hope, við unnum þann leik 3 - 0. Í næstu viku munum við keppa tvo leiki, einn heima og einn úti.
Svo vonandi verður "homecoming" bráðlega. Ég mun skrifa svo aftur þegar eitthvað skemmtilegt gerist :)

Fyrsti mánuðurinn

Jæja, þá er næstum því komin mánuður. Það er búið að vera virkilega gaman og mikið er búið að gerast síðan ég skrifaði síðast svo ég ætla bara að segja frá svona aðal atriðum því annars yrði þetta nú of langt.
17. ágúst fór ég með Shannon, vinkonum hennar Amanda og Kayla og tvem kennurum úr skólanum til Boston. Við eyddum öllum deginum þar og löbbuðum "the freedom trail" sem er leið um Boston á alla sögulegu staðina.
Á afmælisdaginn hans pabba komu nokkrir vinir Shannons til okkar um kvöldið og við kveiktum eld út í garði, það voru grillaðir sykurpúðar og búið til "smores" sem er alveg hrikalega gott!
21. ágúst fór ég til Conneticut þar sem foreldrar Wendyar búa. Þar hitti ég flesta ættingja hennar sem búa hér nálægt. Við fórum öll saman í leikhús á leikrit sem heitir "The Producers" það var virkilega fyndið leikrit. Eftir leikritið fórum við öll aftur heim til foreldra hennar og borðuðum kvöldmat saman.
"Tryouts" fyrir blakið byrjaði svo á mánudags morgninum og var út vikuna, á fimmtudeginum fengum við svo að vita hver var í liðinu. Ég komst í "varsity" liðið, sem er fyrir "seniors" og "juniors". Fékk treyju með sama númeri og ég er með heima sem er 12 :) Í þessari sömu viku kom jarðskjálfti, sem ég reyndar fann ekki fyrir og viðvaranir við fellibylnum "Irene". "Irene" kom svo á sunnudeginum, við misstum rafmagn í nokkra tíma og nokkrar trjágreinar brotnuðu en annars urðu engar skemmdir hjá okkur. Þó ég held að 30% af fylkinu var rafmagnslaust í frekar langan tíma.
1. september keppti ég tvo leiki á móti tvem skólum í Rhode Island fyrir "injury fund" sem er til að hjálpa okkur við að borga sjúkrareikninginn ef við skyldum slasast á meðan við erum að spila blak, við unnum báða leikina svo blaktímbilið byrjaði mjög vel hjá okkur. :D Skólinn átti að byrja í dag en honum var seinkað vegna fellibylsins. Daginn eftir fór ég á fyrsta ameríska fótboltaleikinn minn, eftir hann fórum við til Matts og kveiktum eld og grilluðum sykurpúða.
3. september hitti ég trúnaðarmanninn minn sem er kennari í Pilgrim, svo um kvöldið fór ég með Shannon á minningarathöfn í skólanum fyrir tvær stelpur sem dóu í bílslysi 31. ágúst, það var ótrúlegt að sjá hvað margir komu til að heiðra minningu þeirra. Daginn eftir fór ég á "state fair" í Conneticut með fjölskyldu Wendyar, við eyddum öllum deginum þar og borðuðum svo kvöldmat með fjölskyldu hennar.
Á morgun byrjar svo skólinn og ég er orðin frekar spennt að byrja í honum og hafa eitthvað að gera á daginn :) Ég mun svo skrifa fljótlega aftur um fyrstu dagana í skólanum, endilega commentið svo ég viti að eitthver er að nenna að lesa þetta :)

Fyrstu dagarnir

Við áttum flug klukkan hálf 11 um morguninn þann 11. ágúst og vorum lent klukkan hálf 1 í New York á þeirra tíma. Nokkrir AFS sjálfboðaliðar tóku á móti okkur á vellinum og við fórum á flughótel rétt hjá oh hittum þar fullt af fleiri krökkum frá öllum löndum. Klukkan 5 fór ég og Urður í rútu til Pine Manor College í Boston með nokkrum öðrum krökkum sem munu búa nálægt eða í Massachusetts. Við vorum komin þangað um 11 leitið. Við fengum herbergi þar og ég fékk herbergisfélaga frá Thailandi sem hét Momo. Daginn eftir var komunámskeið. Síðan komu fjölskyldurnar að sækja okkur klukkan 3. Við tók klukkutíma keyrsla til Warwick í Rhode Island. 

Næstu dagar eru búnir að vera frekar rólegir. Ég er búin að fara á Dunkin Donuts og í Walmart. Á laugardaginn fór ég með Wendy og Shannon í partý hjá vinnufélögum Wendyar. Eftir það fór ég með Shannon og vinum hennar Matt og Amanda að sjá cabaret (sem er svona söngdæmi) þar sem foreldrar Jakes ásamt fleirum voru að sýna, eftir sýninguna fórum við á Gregg's sem er veitingastaður. Í gær hitti ég foreldra Wendyar og systur mömmu hennar. Í dag mun ég hitta systur Wendyar og fjölskyldu hennar. 

Það koma bráðum myndir og svo mun ég skrifa aftur þegar eitthvað skemmtilegt gerist.